Vdekje aksidentale në vendin e punës

19:30 | 11 Prill 2017
M. A.

Në mëngjesin e së martës një punëtor i një ndërmarrjeje private ka vdekur aksidentalisht në vendin e punës në Prizren.

Policia e Kosovës ka konfirmuar rastin për Koha.net duke thënë se punëtori ka vdekur pasi aksidentalisht është mbuluar nga dheu gjatë punimeve në një kanal të hapur.

Viktima i moshës rreth 45 vjeçare ishte dërguar në spital pa shenja jete.

“Në orët e paradites është marrë një informacion se në rrugën “Shotë Galica” gjatë kryerjes së punimeve në një gropë të thellë mbi 3 metra, dheu e ka zënë një punëtor. Viktimën e kanë nxjerrë nga dheu punëtorët që kanë qenë aty afër. Emergjenca e ka transportuar në spital, mirëpo sipas mjekëve viktima ka qenë pa shenja jete. Rasti është iniciuar si vdekje aksidentale. Trupi i pajetë është dërguar për autopsi”, ka thënë Hazir Berisha, zëdhënës i Policisë për rajonin e Prizrenit.

Shpërndaje në rrjete sociale

Lajmet më të lexuara

Të ngjashme

Foto lajm